عسل صافي من شفاتك يذوبني
يزيل الهمّ وأحزآني وطآريها

يحآرب ضيقةٍ ودها تعذبني
يحذرها يبعدها ويعميها

من أروي شفّتي منّه تداعبني
هواجيسي تناديني وأناديها

وترسم صورةٍ في البال تجذبني
لحسن أوصافك اللي القلب شآريها

وتبقى صورتك ديره بنا تبني
إذا غبتي لعبنا في حوآريها

وجار البيت اشوآقٍ تخاطبني
تزور القلب يآ كثرة شكاويها

وشآعر حارة العشاق يطلبني
تعابير لمشاعرنا وتآليها

وأنا أردد له ابياتٍ تناسبني
هم أربع واصفين لحال غاليها

"من اشوآقي أعزف ألحان تطربني
وآنا أكتب فيك أشعاري واغنيها

تخيّلني قصيدة وأنت كاتبني
تعبر عن أحاسيسك معانيها

وأنا آدمنت حبك لا تعاتبني
وادمنت الثواني اللي معك فيها

آنآ مدمن ولي ربٍ يحاسبني
يجازي قلبي العاشق تعاطيها"